Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 36.13 | Dem. 36.16 (English) | >>Dem. 36.20 |
36.15καὶ οὐδʼ ἐνταῦθα τούτων οὐδὲν ὧν νῦν ἐγκαλεῖ λέγων φανήσεται . ἐπιτρέψας δὲ τῷ τε τῆς ἑαυτοῦ γυναικὸς πατρὶ καὶ τῷ συγκηδεστῇ τῷ αὑτοῦ καὶ Λυσίνῳ καὶ Ἀνδρομένει , πεισάντων τούτων Φορμίωνα τουτονὶ δοῦναι δωρεὰν τὰς τρισχιλίας καὶ τὸ προσόν , καὶ φίλον μᾶλλον ἔχειν τοῦτον ἢ διὰ ταῦτʼ ἐχθρὸν αὐτὸν εἶναι , λαβὼν τὸ σύμπαν πεντακισχιλίας , καὶ πάντων ἀφεὶς τῶν ἐγκλημάτων τὸ δεύτερον εἰς τὸ ἱερὸν τῆς Ἀθηνᾶς ἐλθών ,
36.16πάλιν , ὡς ὁρᾶτε , δικάζεται , πάσας αἰτίας συμπλάσας καὶ ἐγκλήματʼ ἐκ παντὸς τοῦ χρόνου τοῦ πρὸ τούτου (τοῦτο γάρ ἐστιν μέγιστον ἁπάντων ), ἃ οὐδεπώποτʼ ᾐτιάσατο . ὡς τοίνυν ταῦτʼ ἀληθῆ λέγω , λαβέ μοι τὴν γνῶσιν τὴν γενομένην ἐν ἀκροπόλει , καὶ τὴν μαρτυρίαν τῶν παραγενομένων , ὅτʼ ἀφίει τῶν ἐγκλημάτων ἁπάντων Ἀπολλόδωρος , λαμβάνων τοῦτο τὸ ἀργύριον .ἀκούετε τῆς γνώσεως , ἄνδρες δικασταί , ἣν ἔγνω Δεινίας , οὗ τὴν θυγατέρʼ οὗτος ἔχει , καὶ Νικίας ὁ τὴν ἀδελφὴν τῆς τούτου γυναικὸς ἔχων . ταῦτα τοίνυν λαβὼν καὶ ἀφεὶς ἁπάντων τῶν ἐγκλημάτων , ὥσπερ ἢ πάντων τεθνεώτων τούτων ἢ τῆς ἀληθείας οὐ γενησομένης φανερᾶς , δίκην τοσούτων ταλάντων λαχὼν τολμᾷ δικάζεσθαι .
τὰ μὲν οὖν πεπραγμένα καὶ γεγενημένα Φορμίωνι πρὸς Ἀπολλόδωρον ἐξ ἀρχῆς ἅπαντʼ ἀκηκόατʼ , ὦ ἄνδρες Ἀθηναῖοι . οἶμαι δʼ Ἀπολλόδωρον τουτονί , οὐδὲν ἔχοντα δίκαιον εἰπεῖν περὶ ὧν ἐγκαλεῖ , ἅπερ παρὰ τῷ διαιτητῇ λέγειν ἐτόλμα , ταῦτʼ ἐρεῖν , ὡς τὰ γράμμαθʼ ἡ μήτηρ ἠφάνικε πεισθεῖσʼ ὑπὸ τούτου , καὶ τούτων ἀπολωλότων οὐκ ἔχει τίνα χρὴ τρόπον ταῦτʼ ἐξελέγχειν ἀκριβῶς .
Γνῶσις
Μαρτυρία
36.17
36.18
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 36.13 | Dem. 36.16 (English) | >>Dem. 36.20 |